मनिष शिंदे यांच्या ‘धाराऊ’ला चंबळ आंतरराष्ट्रीय चित्रपट महोत्सवात ‘सर्वोत्कृष्ट फीचर फिल्म’ पुरस्कार; पुण्यात शो हाऊसफुल्ल

त्याच काळात इतर मराठी चित्रपट प्रदर्शित झालेले असतानाही वेगळ्या कथानकामुळे ‘धाराऊ’ला चांगल्या संख्येने स्क्रीन मिळाल्या, असे टीमने सांगितले. या यशाचे श्रेय दिग्दर्शकासोबत संपूर्ण टीमचे आहे.

२६ पुरस्कार

चंबळ महोत्सवातील पुरस्काराआधी या चित्रपटाला राष्ट्रीय आणि आंतरराष्ट्रीय महोत्सवांत मिळून २६ पुरस्कार मिळाले आहेत, असे टीमने सांगितले. गौमातेवर आधारित हा पहिलाच मराठी चित्रपट असल्याचे निर्मात्यांचे म्हणणे आहे.

दिग्दर्शक मनिष शिंदे काय म्हणाले

मनिष शिंदे यांनी यापूर्वी २५ हून अधिक संगीत अल्बम आणि टीव्ही जाहिराती केल्या आहेत. ते म्हणाले, पहिलाच चित्रपट दिग्दर्शित करताना मनावर दडपण होते, पण जिद्द आणि गौमातेवरील श्रद्धा होती, त्यामुळे सगळे जुळून आले. चित्रपट थिएटरमध्ये हाऊसफुल्ल चालू असतानाच हा पुरस्कार मिळाल्याने आनंद द्विगुणित झाला आहे.

प्रेक्षकांनी एकदा तरी थिएटरमध्ये जाऊन ‘धाराऊ’ पाहावा आणि आपली प्रतिक्रिया कळवावी, अशी विनंती त्यांनी केली.