औंध-बोपोडीत मोफत आकाशकंदील कार्यशाळा: चिमुकल्यांनी स्वतःच्या हातांनी बनवले रंगीबेरंगी आकाशकंदील

मुलांच्या सुप्त कलागुणांना वाव देणे, त्यांची सर्जनशीलता वाढवणे आणि पारंपरिक हस्तकलेची ओळख नव्या पिढीला करून देणे, हा या उपक्रमाचा उद्देश होता. घरची आर्थिक परिस्थिती कशीही असली तरी प्रत्येक मुलाला अशा उपक्रमात सहभागी होता यावे, म्हणून कार्यशाळा पूर्णपणे मोफत ठेवण्यात आली.

कार्यशाळेत स्वतः बनवलेले आकाशकंदील दाखवताना मुली, सोबत सनी निम्हण

आयोजक काय म्हणाले

प्रत्येक मुलामध्ये काही ना काही वेगळी प्रतिभा दडलेली असते, तिला फक्त योग्य संधी आणि प्रोत्साहनाची गरज असते, असे सनी निम्हण यांनी सांगितले. शिक्षणासोबतच कला, संस्कृती आणि कौशल्यविकासाच्या संधी मुलांना मिळाव्यात यासाठी असे मोफत उपक्रम पुढेही घेतले जातील, असेही ते म्हणाले.

कार्यशाळेला शिक्षण क्षेत्रातील मान्यवर, ज्येष्ठ नागरिक, सामाजिक कार्यकर्ते आणि पालक उपस्थित होते.